Արտադրանքի բարձր որակ

Յուրաքանչյուր օր մեր հաճախորդներն ըմպում են ավելի քան 4,8 միլիոն հատ պրոտեինային կոկտեյլ: Այն արտադրությունը, որն ի զորու է մարդկանց համար ապահովել արտադրանքի նման ծավալներ, մշտական մոնիթորինգի կարիք ունի:

Herbalife-ի ամբողջ արտադրանքն ացնում է խիստ վերահսկողություն, որը համապատասխանում է որակի համաշխարհային ստանդարտներին և այն երկրների օրենսդրություններին, որտեղ այն տարածվում է:

Դա հաստատվում է արդյունաբերական, առևտրային և հասարակական կազմակերպություններում Ընկերության մասնակցությամբ՝ Ուղղակի վաճառքների համաշխարհային ասոցիացիա, Ուղղակի վաճառքների ռուսաստանյան ասոցիացիա, ԻԿ (կենսաբանորեն ակտիվ սննդային հավելումներ արտադրողների միություն), AEB ասոցիացիա (Եվրոպական բիզնեսի ասոցիացիա), Դիետոլոգների և սննդաբանների ազգային ասոցիացիա (ԴՍԱԱ, Ռուսաստան):

Բացի այդ Herbalife-ը Դիետիկ/պարենային արտադրանք արտադրողների ասոցիացիայի միջազգային դաշինքի (IADSA) հիմնադիրն է:

Herbaife-ի արտադրանքի արտադրությունը համապատասխանում է Միջազգային արտադրական պրակտիկաների պահանջներին, այդ թվում՝ GMP (Good Manufacturing Practice) և «Վտանգի վերլուծություն հսկման կրիտիկական կետերում» ՎՎՀԿԿ (HAССP) սննդամթերքի անվտանգության կառավարման համակարգի պահանջներին:

Հիմքում ընկած է գիտությունը

Մեր բարձրորակ արտադրանքի արտադրության հիմքում ընկած է գիտական մոտեցումը:

Herbalife ընկերությունը պարբերաբար իրականացնում է իր արտադրանքի կլինիկական փորձարկումներ աշխարհի առաջատար մասնագետների և ինստիտուտների օգնությամբ՝ այդ հետազոտությունների արդյունքներն օգտագործելով արտադրվող արտադրանքի որակի մշտական բարելավման նպատակով:

Մասնավորապես, Herbalife-ի արտադրանքի արդյունավետությունը ապացուցված է ՌԲԳԱ Սննդի ԳՀԻ կողմից 2014թ. իրականացված կլինիկական հետազոտության արդյունքում՝ ընկերության արտադրատեսակների՝ «Ֆորմուլա 1» պրոտեինային կոկտեյլի և «Ֆորմուլա 3» պրոտեինային խառնուրդի օգտագործման վրա հիմնված քաշի նվազեցման ծրագիրն առավել արդյունավետ է , քան ստանդարտ ցածր կալորիականությամբ դիետան: Ըստ հետազոտության արդյունքների՝ այդ արտադրատեսակները հաստատվել են Դիետոլոգների և սննդաբանների ազգային ասոցիացայի կողմից:

Բոլոր հետազոտություններն իրականացվում են Հելսինկյան հռչակագրի էթիկական սկզբունքների, GСP (Good Clinical Practice, Պատշաճ կլինիկական պրակտիկա) կանոնների և գործող նորմատիվ պահանջներին համապատասխան:

Սեփական արտադրություն ամբողջ աշխարհում

Herbalife-ի արտադրանքի որակի երաշխիքը սեփական արտադրությունն է, որը թույլ է տալիս վերահսկել յուրաքանչյուր փուլ և կենտրոնանալ որակի և արդյունավետության վրա:

Herbalife-ը հետևում է Seed to Feed ռազմավարությանը, որը ենթադրում է արտադրության ամբողջ գործընթացի կառավարում ՝ սկսած բաղադրիչների ստացումից մինչև վերջնական արտադրանքի ստեղծումը, ինչն էլ հնարավորություն է տալիս արտադրության յուրաքանչյուր փուլում իրականացնել որակի առավել խորը վերահսկողություն:

Ապագա արտադրանքի համար անհրաժեշտ բաղադրիչներն աճեցվում են մոլորակի էկոլոգիապես մաքուր շրջաններում՝մասնագետների խիստ հսկողության ներքո: Այնուհետ դրանք անցնում են մանրակրկիտ ընտրություն և վերամշակում: Այս փուլում իրականացվում է օգտակար բաղադրիչների և վիտամինների կոնցենտրացիայի վերլուծություն, մաքրության և անվտանգության հսկողություն:

Արտադրանքի մեծ մասն արտադրվում է Ուինստոն Սալեմ քաղաքում (ԱՄՆ) գտնվող Նորարարությունների և արտադրության կենտրոնում: Ամբողջ արտադրանքն անցնում է որակի վերահսկողություն և պիտակին նշված բաղադրությանը համապատասխանելու մանրակրկիտ ստուգում:

Պրոֆեսիոնալ տեղափոխումից հետո արտադրանքը խնամքով պահպանվում է Herbalife-ի Վաճառքների կենտրոններում, որտեղից էլ առաքվում է ձեզ:

Ճիշտ սնվելու հիմունքները

Herbalife-ի արտադրատեսակները ստեղծվում են հատուկ այն նպատակով, որպեսզի Ձեր կյանքն ավելի լավը դարձնեն, սակայն կատարելագործվելու ճանապարհին արդյունքների հասնելու համար անհրաժեշտ է ճիշտ սնվել և վարել ակտիվ ապրելակերպ: Այդ հարցում Ձեզ կօգնեն 6 առանցքային տարրերը՝ պրոտեին, վիտամիններ և հանքանյութեր, օգտակար ճարպեր, բջջանյութ, ֆիտոնուտրիենտներ և ջրային բալանս: Այս տարրերի, անհատական ծրագրի և մեր մասնագետների կողմից ստացվող մշտական աջակցության համակցությունը կօգնի բարելավել Ձեր կյանքը՝ հասնելով դրված նպատակներին և հաղթահարելով բոլոր խոչընդոտները:

Օգնության կարի՞ք ունեք: Կայքում հայտ թողնելու դեպքում Դուք կկարողանաք զրուցել Herbalife-ի անձնական խորհրդատուի հետ, ով սիրով կանցկացնի անվճար wellnes-թեստ և կմշակի հավասարակշռված սնվելու ու քաշի վերահսկման ծրագիր:

Բացահայտեք Ձեզ համար ակտիվ ու առողջ ապրելակերպի բոլոր գրավիչ կողմերը:

Սոյայի պրոտեին

Սոյան բուսական ծագման լիարժեք սպիտակուց է: Այն պարունակում է բոլոր անփոխարինելի ամինաթթուները՝ մեր օրգանիզմին անհրաժեշտ բոլոր տեսակի սպիտակուցային կառուցվածքների արտադրության շինանյութը: Սոյան պարունակում է քիչ քանակությամբ հագեցած ճարպեր և չի պարունակում խոլեստերին (խոլեստերին կարող են արտադրել միայն կենդանիները):

Սննդակարգի մեջ սոյայի արտադրանքի ներառումը կարող է ավելացնել այնպիսի վիտամինների օգտագործումը, ինչպիսիք են ֆոլաթթուն և K վիտամինը, և այնպիսի հանքանյութերինը, ինչպիսիք են կալցիումը, ցինկը , երկաթը: Բացի այդ, սպիտակուցը էականորեն ազդում է մկանային զանգվածի աճի և պահպանման վրա:

Օգտակար ճարպեր

Օմեգա -3 օգտակար ճարպաթթուները (ԷՊԹ և ԴՀԹ) առկա են միայն որոշ ձկնատեսակների (սաղմոն, թյունիկ), ընկուզեղենի, սերմերի, ավոկադոյի և բուսական յուղերի մեջ: Նրանք պահպանում են արյան ճնշման և արյան մեջ եռագլիցերիդների օպտիմալ մակարդակները և անհրաժեշտ են սիրտ-անոթային համակարգի առողջության համար: Բացի այդ, ԷՊԹ- ն և ԴՀԹ- ն կարևոր են ուղեղի նորմալ աշխատանքի համար:

Ածխաջրեր

Ածխաջրերի մասին խոսելիս պատկերացնում ենք օսլա պարունակող սնունդ՝ լապշա, հաց, բրինձ, կարտոֆիլ:

Սակայն իրականում, դա նաև մրգերն են, բանջարեղենը, ամբողջահատիկ հացազգիները, լոբազգիները, որոնք ոչ միայն մեր օրգանիզմի էներգիայի հիմնական աղբյուրն են, այլ նաև պարունակում են վիտամիններ և հանքանյութեր, բջջանյութ և հակաօքսիդիչներ:

Սննդային մանրաթելեր

Բջջանյութը ոչ միայն օգնում է մարսողության հարմարավետությանը, այլ նաև ապահովում է հագեցվածության զգացողություն, որն անհրաժեշտ է քաղցի զգացողության վերահսկման համար: Միջինում մարդուն օրական անհրաժեշտ է 25-30 գր բջջանյութ, բայց փաստացի մարդկանց մեծամասնությունն օրական օգտագործում է ընդամենը 10 գր:

Ֆիտոնուտրիենտներ

Ֆիտոնուտրիենտները բնական բուսական միացություններ են, որոնք ապահովում են մրգերի, բանջարեղենի, խոտաբույսերի, համեմունքների և որոշ ամբողջական հացահատիկների գեղեցիկ գույնը:

Յուրաքանչյուր ֆիտոնուտրիենտ ունի իր դերը, օրինակ, օգնում է պաշտպանվել մանրէներից: Բազմաթիվ ֆիտոնուտրիենտներ հանդես են գալիս որպես հակաօքսիդանտներ՝ օգնելով պաշտպանել բջիջներն ու հյուսվածքները այն վնասվածքներից, որոնք առաջանում են ամենօրյա բնականոն նյութափոխանակության արդյունքում:

Վիտամիններ և հանքանյութեր

Վիտամիններն ու հանքանյութերը միկրոնուտրիենտներ են, որոնք անհրաժեշտ է ամեն օր ընդունել, քանի որ դրանց մեծ մասը չի արտադրվում մեր օրգանիզմի կողմից: Ընդհանուր առմամբ, վիտամինների դերը հարյուրավոր քիմիական ռեակցիաների գործարկումն է, մասնավորապես, էներգետիկ նյութափոխանակության, լիպիդների քայքայման:

Ամինաթթուներ

Մեր մարմնի մոտ 15% -ը բաղկացած է սպիտակուցներից*, որոնք իրենց հերթին կազմված են ամինաթթուներից: Որոշ ամինաթթուներ սինթեզվում են օրգանիզմի կողմից, մյուսները, որոնք կոչվում են անփոխարինելի, կարելի է ստանալ միայն սննդից: Կենդանական ծագման սպիտակուցը պարունակում է բոլոր անփոխարինելի ամինաթթուները, մինչդեռ բուսական ծագման սպիտակուցների մեծ մասի մեջ (բացառությամբ սոյայի) չի բավարարում մեկ կամ մի քանի անփոխարինելի ամինաթթուների անհրաժեշտ քանակությունը**:

*Heymsfield SB et al. Multi-component molecular-level body composition reference methods: evolving concepts and future directions. Obes Rev. 2015 Apr;16(4):282-94.
**Hughes GJ, et al. Protein digestibility-corrected amino acid scores (PDCAAS) for soy protein isolates and concentrate: criteria for evaluation. J Agric Food Chem. 2011 Dec 14;59(23):12707-12

Կոֆեին

Կոֆեինը նպաստում է կոնցենտրացիայի բարելավմանը, բայց մի հիմնվեք միայն դրա վրա. սննդի բաց թողնված ընդունումները, չհավասարակշռված սնունդը և ջրազրկումը նույնպես զգալիորեն ազդում են մեր մտավոր էներգիայի վրա: Ավելին, այդ հավասարակշռության մի մասն են կազմում բավարար քունն ու հանգիստը: Եթե ​​կոֆեին պարունակող ըմպելիքների օգտագործումը խանգարում է գիշերային քնին, ապա նպատակահարմար կլինի կրճատել քանակությունը կամ խմել միայն օրվա առաջին կեսին:

Ջրային հավասարակշռություն

Մեր մարմինը մոտ 60%-ով կազմված է ջրից, և ջրային հավասարակշռության պահպանումը, ինչպես ներսից, այնպես էլ դրսից, կօգնի ավելի լավ զգալ և լավ տեսք ունենալ: Խմեք օրական մինչև 2,5 լիտր ջուր, հետևեք այս պարզ խորհուրդներին.

• Դրեք մեկ բաժակ ջուր մահճակալի մոտ, որպեսզի օրը սկսեք ջրով. քնից հետո օրգանիզմը միշտ մի փոքր ջրազրկված է լինում:
• Օրվա ընթացքում ջրով լի բաժակը կամ շիշը միշտ պետք է լինեն տեսադաշտում ՝ որպես օրական օգտագործման նորմայի մասին հիշեցում:
• Ջուրը հիանալի խորտիկ է, խմեք ջուր ուտելուց 20 րոպե առաջ. դա կօգնի նաև վերահսկել ախորժակը:

Սնունդը և քունը

Միջին հաշվարկով մեծահասակը պետք է օրական քնի 7-9 ժամ: Քնի որակի և ավելցուկային քաշի միջև փոխադարձ կապը կարող է երկկողմանի լինել. ոչ բավարար քունն առաջացնում է քաշի ավելացում, և ճարպակալումն առաջ է բերում քնի խանգարում 1,2: Ուսումնասիրությունը ցույց է տվել, որ քնի պակասը հանգեցրել է օրական 385 լրացուցիչ կալորիաների օգտագործմանը3:

ԽՈՐՀՈՒՐԴՆԵՐ ՔՆԻ ՈՐԱԿԻ ԲԱՐԵԼԱՎՄԱՆ ՀԱՄԱՐ.

• Անջատեք բոլոր էլեկտրոնային սարքերը քնելուց 1 ժամ առաջ:
• Սահմանափակեք կոֆեինի օգտագործումը:
• Համոզվեք, որ օրվա ընթացքում բավարար քանակության հեղուկ եք օգտագործում:
• Սնունդն ընդունեք քնելուց ոչ ուշ, քան 3 ժամ առաջ:
• Քնեք 22: 45-ից մինչև 23: 15-ն ընկած միջակայքում:

1) Golem DL, et al. An Integrative Review of Sleep for Professionals. Adv Nutr 2014;5:742–759.
2) Grandner MA, et al. Dietary nutrients associated with short and long sleep duration. Data from a nationally representative sample. Appetite. 2013 May;64:71-80.
3) Al Khatib HK, et al.The effects of partial sleep deprivation on energy balance: a systematic review and meta-analysis. Eur J Clin Nutr. 2017 May;71(5):614-624.

Սնունդը և սթրեսը

Սթրեսն առաջացնում է նյարդային համակարգի անհապաղ արձագանք*. արագանում է սրտի բաբախյունը և բարձրանում է արյան ճնշումը, խթանվում են քրտնագեղձերը, ժամանակավորապես զգացվում է էներգիայի ալիք: Սթրեսը ստիպում է ձեզ ուժասպառ զգալ և կարող է ազդել քնի որակի վրա**: Սթրեսը, ցիրկադային ռիթմերը և մեր իմունիտետը սերտորեն փոխկապակցված են: Առողջ սնունդը, քունը և բնական ցիրկադային ռիթմերի հետ սինխրոնացումը լավ ինքնազգացողության հիմնաքարերն են:

ԽՈՐՀՈՒՐԴՆԵՐ ՍԹՐԵՍԻ ԿԱՌԱՎԱՐՄԱՆ ՎԵՐԱԲԵՐՅԱԼ.

• Ավելացրեք ֆիզիկական ակտիվություն ձեր առօրյա կյանքում:
• Ուշադրություն դարձրեք ձեր ամենօրյա սննդակարգին ՝ սնվեք հավասարակշռված:
• Յուրաքանչյուր հնարավորության դեպքում ժամանակ տրամադրեք ինքներդ ձեզ համար:
• Կենտրոնացեք այն բաների վրա, որոնք կարող եք վերահսկել:
• Պահպանեք դրական տրամադրվածություն:

*Nyberg ST, et al. Job strain in relation to body mass index: pooled analysis of 160 000 adults from 13 cohort studies. J Intern Med. 2012 Jul;272(1):65-73.
** Koch CE, et al. Interaction between circadian rhythms and stress. Neurobiol Stress. 2016 Sep 8;6:57-67.

Սնունդը և սպորտը

Ձեր առօրյա կյանքում ֆիզիկական ակտիվության ծավալի ավելացումն օպտիմալ ուղի է դեպի ավելի առողջ ապագա: Ուժի, անաերոբ հզորության և հոդերի ճկունության ամենաբարձր ցուցանիշները նկատվում են երեկոյան ժամերին, երբ մարմնի ջերմաստիճանը ամենաբարձրն է 1,3: իսկ երեկոյան ժամերին ուժի և դիմացկունության համատեղ մարզումը կարող է հանգեցնել մկանային զանգվածի ավելի մեծ աճին, քան առավոտյան մարզումը 2: Բացի այդ, հետազոտությունները ցույց են տալիս, որ լավագույն արդյունքը ձեռք է բերվում այն ​​ժամանակ, երբ մարզումը պլանավորված է եղել 1:

ԽՈՐՀՈՒՐԴՆԵՐ.

• Փորձեք մարզվել շաբաթական առնվազն 150 րոպե:
• Նախապես պլանավորեք մարզումների ժամանակացույցը:
• Մարզման համար ընտրեք օրվա օպտիմալ ժամ, դրա տևողությունը պետք է լինի 30-60 րոպե:
• Հաջորդեք մարզումների տարբեր տեսակները՝ դիմացկունության, ուժի, հավասարակշռության և ճկունության:
• Ընտրելով օպտիմալ ֆիզիկական ակտիվություն՝ դարձրեք այն կանոնավոր բնույթի:

1 Chtourou, H, et al. The effect of strength training at the same time of the day on the diurnal fluctuations of muscular anaerobic performances. J Strength Cond Res. 2012. 26(1): 217–225.
2 Hayes LD, Bickerstaff GF, Baker JS. Interactions of cortisol, testosterone, and resistance training: influence of circadian rhythms. Chronobiol Int. 2010 Jun;27(4):675-705.
3 Shibata S and Tahara Y. Circadian rhythm and exercise. J Phys Fitness Sports Med. 2014. 3(1): 65-72

Սնունդը և էներգիան

Հաճախ օրվա երկրորդ կեսին ունենում ենք քնելու մեծ ցանկություն. հետազոտություններն ապացուցում են մտավոր գործունեության 1 և արտադրողականության անկումը ճաշից հետո2: Որոշ հետազոտություններ նաև ցույց են տալիս, որ էներգիայի անկումն ավելի ուժեղ է զգացվում, երբ ճաշի ժամանակ օգտագործվում է մեծ քանակությամբ ածխաջուր պարունակող սնունդ 3:

ՕԳՏԱԿԱՐ ԽՈՐՀՈՒՐԴՆԵՐ

• Փորձեք քնել օրական 7-9 ժամ:
• Բաց մի թողեք նախաճաշը:
• Սովորություն դարձրեք օրվա ընթացքում օգտագործել առողջ միջանկյալ սնունդ. դա օգնում է լրացնել էներգիայի պաշարները:
• Խմեք բավարար քանակությամբ հեղուկ՝ լավ ինքնազգացողություն և արդյունավետ մտավոր գործունեություն ապահովելու համար:

1 Bes F; Jobert M; Schulz H. Modeling napping, post-lunch dip, and other variations in human sleep propensity. SLEEP 2009;32(3):392- 398
2 Folkard S, Tucker P. Shift work, safety and productivity. J Occup Med. 2003; 53: 95–101
3 Integrative Review of Sleep for Professionals. Adv Nutr 2014;5:742–759

Սնունդը և ժամը

Մեր մարմնում բազմաթիվ ֆիզիոլոգիական և սննդային գործընթացներ ենթարկվում են օրվա ցիկլերին: Վերջին ուսումնասիրությունները ցույց են տվել, որ սննդի ընդունման ժամն ազդում է քաշի վերահսկման արդյունավետության վրա: Նրանք, ովքեր ճաշել են մինչև ժամը 15: 00-ն, քաշի նվազեցման հարցում գրանցել են ավելի լավ արդյունքներ, քան նրանք, ովքեր ավելի ուշ են ճաշել *:

ԿԵՆՍԱԲԱՆԱԿԱՆ ԺԱՄԱՑՈՒՅՑԻ ՕՊՏԻՄԱԼԱՑՄԱՆ 6 ԵՂԱՆԱԿ.

• Օրը սկսեք առողջ և լիարժեք նախաճաշով:
• Դուք պետք է ունենաք սննդի 3 հիմնական ընդունում և 2 միջանկյալ սնունդ:
• Հնարավորության դեպքում կազմեք օրվա սնվելու պլան և բաց մի թողեք սննդի հիմնական ընդունումները:
• Հավասարակշռեք ձեր սննդակարգը, խուսափեք օրվա ընթացքում կալորիաների օգտագործման ավելացումից:
• Հետևեք սնվելու ռեժիմին. ժամանակին ճաշեք:
• Սնվեք կանոնավոր կերպով. ձեզ համար գտեք սնվելու օպտիմալ սխեմա և հետևեք դրան:

*Garaulet M, Gomez-Abellan P, Alburquerque-Bejar JJ, Lee YC, Ordovas JM, Scheer FA. Timing of food intake predicts weight loss effectiveness. Int J Obes (Lond) 2013 Jan; 29.